Þetta var öðruvísi dagur í dag. Ég fór í minn fyrsta dæmatíma í Biofysik eða eins og ég kalla það eðlisfræðin að handan. Heimareikningurinn í gær gekk frekar brösulega fyrir sig og vonaðist ég því til að fá útskýringar í þessum dæmatíma en svo varð aldeilis ekki raunin. Gaurinn sem stóð fyrir tímanum var voðalega klár, það vantaði ekki en hann þjösnaðist bara í gegnum dæmin á ofur hraða og maður náði ekki nokkru sem var að gerast uppi á töflunni. Gaurinn sem heitir Mouhammad nauðgaði aumingja krítinni og allt í einu voru komin gröf og jöfnur með svo mörgum breytum að manni svimaði léttilega. Djöfull er langt síðan maður reiknaði eittvað yfir höfuð. Já það voru ansi margar heilasellur sem voru vaktar upp við vondan draum í dag. Sellurnar sem búnar eru að vera á jamminu og hafa það allt of huggulegt síðustu 10 árin. Reyndar var þetta samt nokkuð hressandi lífsreynsla verð ég að segja, ég er einhvern vegin miklu opnari í dag.

Jammsí, ég fór svo heim að reyna finna út úr þessu en sofnaði yfir bókunum (Össi ég slefaði ekkert á bækurnar þínar samt - ef þú ert að lesa þetta). Síðan skellti ég mér á karateæfingu til að fá útrás fyrir gremju minni yfir því að tölvan okkar er helsetin af alls kyns ormum og veirum eða SPYWARE eins og það heitir á svona nördísku. Þessir djöflar eru búnir að kosta mig 5 daga vinnu og enn er ég ekki laus við þetta &##€@€###@$%$% SIDEFIND og ISTbar helvíti! Anyhow ég mætti á æfingu og komst að því að Seinsei (kennarinn) væri veikur. Þar sem ég var með hæstu gráðuna á svæðinu var leitað til mín og ég beðinn um að leiða líðinn til sannleika um Karate og tengd málefni. Þetta gekk bara nokkuð vel og voðalega gaman að pína liðið með smá armbeygjum og stjörnuhoppum ofl HEHEH.

Jájá dagurinn var í heild sinni bara ágætu, ekki annað hægt að segja. Á morgun hefst svo baráttan við bækurnar og ormaskrattana á nýjan leik. LEITER!